Вёсачка мая. Путрышкі.

Гераіню праграмы - Таццяну Уладзіміраўну Нікалаеву - ведаюць усе Путрышкі. 45 гадоў  яна не толькі настаўнічала  ў  мясцовай старой школе, але і актыўна змагалася за будаўніцтва новай.  І пісала, і ездзіла па розных інстанцыях. Давялося  нават на прыём да колішняга Старшыні Савета міністраў Кісялёва трапіць.Не паспелі вярнуцца  з Мінску дадому, як зверху прыйшоў дазвол на  будаўніцтва новай школы, якая і была пабудавана ў 1975 годзе. Гэта была ўжо не васьмігодка, а сярэдняя школа.  Прасторная светлая. Не параўнаць з былой. Сюды ж, у новую школу, пераехаў і невялікі музейчык, пачатак якому быў закладзены яшчэ ў старой школе, у 1962 годзе.