Вёсачка мая. Галавачы. 07.07.2014
Вёсачка мая
У Галавачах Андрэя Андрэевіча Юшкевіча ведаюць усе. Ад малога да вялікага. Усё жыццё ён працаваў у школе. Працягвае і сёння сваю адукацыйную працу, прапагандуючы здаровы лад жыцця і прыхільнасць да усяго натуральнага. Нездарма некаторыя лічаць яго дзіваком ды летуценнікам. А ён і не крыўдуе на тое. І ў той час , як многія акружаюць сябе сучаснымі садамі, па-ранейшаму адданы сваім старым грушам ды яблыням. А тут яшчэ і сосны ўзяўся каля хаты высаджваць. Ды не звычайныя, а ўсё больш мудрагелістыя. А яшчэ Андрэй Андрэевіч – знакаміты на ўсё наваколле пчаляр. Менавіта да яго звяртаюцца ўсе, хто хоча заняцца гэтым відам вясковай дзейнасці.